بحب يا بت !!!!!! شعر حلمنتيشى

بحبِّك يا بت
بكل اللي فيكي
عفار الشوارع
بنات الحواري
وضلمة شارعنا اللي دايما بخاف لما أجيله
واحس اني في الضلمه تهت
بحبك
سكون الليالي
وكام نجمه تايهه بتشرح فـ بالي
بشوفك فـ عتمة طريقي
وحلمي اللي طاير
فـ قهوة (زيزينيا)
وكشك السجاير
وبستنى فيكي البشاير
تكرمش ملامحي
وبرضه بحبك

عارفها بتزعل بكلمه
تصالح بكلمه
وتبقى دي زيطه
وتزعل قوي لو ما كانت تطبطب عليا
بحبك خلاص ..
ما انا أصلي عارفك
عبيطه